Во прилог погледнетеја целосната листа на субвенционирани локали во кои што можете да јадете со студентски бон. Листата можете сами да ја сортирате по цена, локација и тн.
Пост-дипломски
ЕЛЕКТРОНСКИ ФОРМУЛАР ЗА СТУДЕНТСКИ ПРАШАЊА НА УНИВЕРЗИТЕТОТ ВО ЉУБЉАНА
Честопати на студентите во текот на студиите им се појавуваат прашања и сомнежи поврзани со образованието и образовниот систем.
За таа намена Универзитетот во Љубљана има направено формулар Инфо штудент, каде што може по електронски пат да го поставите вашето прашање, доколку не можат да ви помогнат во студентската служба на факултетот каде што студирате. Формуларот е наменет за сите студенти кои се запишани на факултетите кои се во состав на Универзитетот во Љубљана. Заштедувате време, прашувате на далечина и добивате одговор од стручно лице.
Формуларот е достапен на следниот линк: https://www.uni-lj.si/…/koristne_info…/obrazec_info_student/
Стипендии
Информациите за стипендии за додипломски и постдипломски студии често можат да ги подобрат животите на нашите пријатели и колеги. Затоа, ве поканувам сите да се вклучите во придонесувањето на информации за стипендиите и личните искуства со нив.
1. Erasmus Basileus – Стипендии за студенти ОД Македонија кои сакаат да студираат ВО некоја европска земја (вклучувајќи ја и Словенија). Описот на програмата можете да го најдете ТУКА. Исто така потребно е внимателно да се прегледаат критериумите според кои ќе знаете дали можете да аплицирате за оваа стипендија, нив ќе ги најдете ТУКА. Останатиот дел од веб сајтот содржи корисни информации, ако имате интерес добро погледајте и споделете. Најубавиот дел секако е стипендија од 1000 евра месечно за додипломски и постдипломски студии, тоа има станато реалност за повеќе луѓе па може да стане реалност и за вас – Инфо ТУКА
2. CEEPUS – Стипендии за студенти од Македонија кон Словенија и обратно. Општи информации за програмата ТУКА. Информации за чекорите, виза, здравствено осигурување можете да ги најдете ТУКА. Месечните стипендии се околу 280 евра. За факултетите на кои што можете да аплицирате и лицата кои треба да ги контактирате погледнете ТУКА
3. Erasmus – Најпознатата програма за размена. Доколку сакате преку Ерасмус да дојдете во Љубљана прочитајте ги чекорите и роковите ТУКА. Ако сакате да одите од Словенија во друга европска држава, тогаш информациите за мобилност морате да ги барате на вашиот факултет. За странци (Македонци) кои сакаат да одат на ерасмус во Европа, важат еднакви рокови како за Словенците. Последните години јавниот склад на Словенија НЕ ја покрива Словенечката половина од стипендијата, Европската половина од друга страна, е целосно покриена.
Стипендии (постдипломски)
Постдипломски стипендии за Македонци во областа на природните науки, медицината и технологијата.
Парична помош за студенти
Фондацијата “Študentski tolar” доделува еднократна неповратна парична помош од 300 до 400 евра на сите оние студенти кои имаат финансиски потешкотии. Се надеваме дека оваа информација ќе стигне до оние студенти на кој им е највеќе потребна оваа помош. За повеќе информации погледнете го линкот.
VIA MK 